Ayvazovksy ave., Feodosiya, Ukraine

Աշխարհահռչակ նկարիչ Իվան Այվազովսկու (Հովհաննես Այվազյան) հուշարձանը նրա հայրենի քաղաք Թեոդոսիայում կանգնեցվել է 1930-ին: Հուշարձանի հեղինակներն են անձամբ նկարչին ճանաչած քանդակագործ Իլյա Գինցբուրգը, ճարտարապետ Գոլանդսկին և որմնադիր վարպետ Ֆոկա Յանին: Հուշարձանի պատվանդանին կա լակոնիկ գրություն. «Թեոդոսիան՝ Այվազովսկուն»: Այդ հուշարձանի հետ է կապված քաղաքային տրագիկոմիկ մի ավանդույթ. քանդակը կանգնեցնելուց անմիջապես հետո ճանաչված նկարչի ձեռքի դաստակը պարբերաբար սկսել են գողանալ: Այդպես երիտասարդ ավազակների ջանքերի շնորհիվ Այվազովսկին պարբերաբար զրկվում է իր գլխավոր աշխատանքային գործիքից: Հետաքրքիր է, որ նման «ավանդույթ» է ձևավորվել նաև կապված Այվազովսկուն կանգնեցված երևանյան հուշարձանի հետ: