2 Galereynaya str., Feodosiya, Ukraine

Ի.Կ. Այվազովսկու անվան ազգային պատկերասրահը ծովանկարչության թանգարան է Թեոդոսիայում՝ մեծ նկարչի հայրենի քաղաքում: Պատկերասրահի շենքը կառուցվել է դեռևս Այվազովսկու կյանքի օրոք, նրա սեփական նախագծով: Հայ մեծ ծովանկարչի աշխատանքների առաջին ցուցադրությունը թանգարանում բացվել է 1845-ին և բաղկացած էր 49 կտավներից, սակայն պաշտոնապես պատկերասրահը բացվել է միայն 1880-ին: Պատկերասրահը Ռուսական կայսրության տարածքում առաջին մեկ նկարչի թանգարանն է դարձել: Այվազովսկու մահից հետո՝ 1900-ին, համաձայն նրա կտակի, պատկերասրահը նվիրաբերվել է Թեոդոսիա քաղաքին: Ներկայումս պատկերասրահը ծովանկարչության հանրաճանաչ թանգարան է, որտեղ պահվում է մոտ 12 հազար ծովային բնանկար՝ Այվազովսկու աշխատանքների ամենամեծ հավաքածուն: Պատկերասրահն աշխատում է 10:00-ից 16:30, երեքշաբթի օրերին՝ մինչև 13:30: