Chiesa di San Giorgio degli Armeni, 70126 San Giorgio, Bari, Italy
Սբ Գևորգ հայկական եկեղեցին գտնվում է Իտալիայի Բարի քաղաքի համանուն փողոցում, սբ Նիկոլայի բազիլիկից մոտ 4 կմ հարավ-արևմուտք: Համաձայն Բարիի Դիվանագիտական կոդեքսի, եկեղեցին կառուցվել է հայազգի Մովսեսի կողմից 11-րդ դարասկզբին: Հունական խաչի ձև ունեցող գմբեթավոր եկեղեցին տարբերվում է այս շրջանի մյուս կառույցներից. գմբեթը կրում են ոչ թե երկու, այլ չորս կամարները: 1920-ին ճարտարապետ Նիկոլայ Սկատարելին որոշ հավելումներ է կատարել եկեղեցու արտաքին տեսքում, կատարվել են մանրաքանդակներ: Կատարված աշխատանքների մասին է վկայում հուշատախտակը: Եկեղեցու ներկայիս դրությունը մտահոգիչ է: Այն գտնվում է անխնամ վիճակում և աստիճանաբար քայքայվում է:
