Chiesa di San Gregorio Armeno, Via San Gregorio Armeno, 1, 80138 Napoli, Italy, chiesadinapoli.it, +39 081 552 0186
Սբ Գրիգոր Լուսավորչի պաշտամունքը Իտալիայում հարյուրամյակների պատմություն ունի։ Դեռևս 1742-ին հայտնաբերված Նեապոլի քարե մի օրացույցի մեջ նշված են սբ Գրիգոր Լուսավորչի և մարտիրոսացած Հռիփսիմե և Գայանե կույսերի տոները:
Սբ Գրիգոր Լուսավորչի մասունքների մեծ մասը հայ կույսերը 8-րդ դարի վերջին տեղափոխել են Իտալիայի Նեապոլ քաղաք, որտեղ ի պատիվ Գրիգոր Լուսավորչի, կառուցվել է սբ Գրիգոր եկեղեցին՝ կուսանոցով: Եկեղեցում պահպանվել են Գրիգոր Լուսավորչի գանգը՝ ամփոփված պղնձե ոսկեզօծ կիսարձանի մեջ, շղթայի մասեր և այլ նշխարներ: Նեապոլի առաջին պաշտպան սբ Գենարիոս եպիսկոպոսից հետո Գրիգոր Լուսավորիչը ճանաչվել է քաղաքի երկրորդ երկնային պաշտպանը և ունի հատուկ տոն` սեպտեմբերի 30-ը:
Եկեղեցին գնտվում է Գրիգոր Լուսավորչի անունը կրող փողոցում: Այն 16 դարի կառույց է: Նեապոլի սբ Գրիգոր Լուսավորիչ հայկական եկեղեցու պատերը զարդարում են 17-րդ դարի իտալացի հայտնի նկարիչ Լուկա Ջորդանոյի որմնանկարները:
