Basilica di San Miniato al Monte
Via delle Porte Sante, 34 50125, Florence, Italy, (055) 234 -27-31
Ֆլորենցիայի առաջին քրիստոնյա նահատակը՝ Սուրբ Մինիատոն, Մինաս անունով հայ իշխան էր : Ասում են, որ հպարտ ու հարուստ մարդ է եղել ու հավատարիմ ծառայել Դեցիուս Տրայանուս կայսերը : Բայց քրիստոնեություն ընդունելուց հետո թողել է պետական ծառայությունն ու մեկուսացել Տոսկանիայի քարանձավներից մեկում՝ որոշելով ապրել ճգնավորության մեջ : Կայսրը սա դավաճանություն է համարել ու հրամայել ձերբակալել ու նետել նրան գազանների մեջ , որ հոշոտեն : Բայց վարքագրությունն ասում է, որ վայրի կենդանիները չեն մոտեցել նահատակին : Դահիճները, տեսնելով, որ Մինասը կենդանի է, գլխատել են նրան : 4-րդ դարում Մինասի նախկին քարանձավի տեղում փոքր մատուռ կառուցեցին, բայց 1018-ին քանդեցին ու փոխարենը բազիլիկա կառուցեցին, որը մինչև հիմա համարվում է Ֆլորենցիայի ամենագեղեցիկ եկեղեցիներից մեկը: Սան Մինիատո Ալ Մոնթեի ներսում՝ ապսիդի վերջում, մեծ խճանկար կա, որտեղ պատկերված է Քրիստոսը. նրա աջ կողմում գտնվում է Մարիամ Աստվածածինը, իսկ ձախում՝ հայ իշխանը, ով թագը դնում է Քրիստոսի գլխին :
