Yacoubian Building, 34 Talaat Harb, St Downtown
20-րդ դարի առաջին կեսին հինգհարկանի այս շենքը ամենահայտնին էր Կահիրեում և նույնիսկ ամբողջ Եգիպտոսում: Այստեղ էր հավաքվում բոհեմը՝ նախահեղափոխական Եգիպտոսի արվեստագետները, գրողները, հարուստներն ու ազնվատոհմիկները: Իր ժամանակի հանդուրժողականության ու ազատականության խորհդրանիշը համարվող այս շենքը պատմություն է մտել որպես Յաղուբյանի շենք՝ ի պատիվ հայտնի հայ ձեռներեց Նշան Յաղուբյանի: Պատմաբաններից մեկի խոսքով, «Եգիպտոսի հետ կատարվածները տեղի էին ունենում նաև շենքի հետ»: Յաղուբյանի տան հանդեպ հետաքրքրության նոր ալիք բարձրացավ 2001-ին, երբ լույս տեսավ եգիպտոսցի գրող Ալա Ալ-Ասուանիի գիրքը, որտեղ հեղինակը մանրամասն նկարագրել է Յաղուբյանի աշխարհը: Բեսթսելլերի 2006-ի էկրանավորումը դարձավ երկրի պատմության մեջ ամենաթանկ ֆիլմը: