Ramses, Cairo
Սա մեկն է Կահիրեի չորս հայկական եկեղեցիներից: Եկեղեցու մուտքի մոտ դրված է դիվանագետ Գրիգոր Եղիայանի կիսանդրին: Նա իր կարիերան սկսել էր Կահիրեի ռուսական հյուպատոսությունում, իսկ հետագայում միջոցներ էր հավաքել այս եկեղեցու կառուցման համար: Վանքը 1924-ին կառուցվել էր ֆրանսահայ ճարտարապետ Լևոն Նաֆիլյանի նախագծով: Այդ ժամանակ արդեն Եգիպտոսում ցեղասպանությունից փրկված 30 000 հայ կար: Այդ պատճառով ճարտարապետը բազմաթիվ հայ եկեղեցիներ էր ուսումնասիրել ու Սուրբ Գրիգոր Լուսավորչի մեջ ներառել տարրեր տարբեր հայկական եկեղեցիներից, որպեսզի յուրաքանչյուր փախստական, նայելով նրան, ճանաչեր այն եկեղեցին, որը նա թողել էր հարազատ քաղաքում կամ գյուղում: