Սեպտեմբերի 12-ին Հայաստանում առաջին անգամ տեղի ունեցավ ձգումների համաշխարհային օրվան նվիրված միջոցառում: Այս միջոցառմանը մասնակցում էին բոլորը (առանց տարիքային սահմանափակումների)` սկսած 7 տարեկան երեխաներից մինչև 87- ամյա տարեց մարդիկ: Ակցիային մասնակցեցին երիտասարդներ Հայաստանի 8-ից ավելի ԲՈՒՀ-երից և 300-ից ավելի Սթրիթ Վորքաութի ատլետներ Դիլիջանից, Հրազդանից, Վանաձորից, Արմավիրից, Չարենցավանից, Վայքից և Երևանից:
Ձգումը բնական և անվտանգ շարժումներից բաղկացած վարժություն է, որ կարող է կատարել ցանկացած մարդ ցանկացած տարիքում: Ձգումներ անում են թե տղամարդիկ, թե կանայք: Ձգումների առավելությունը նրանում է, որ արագ կերպով ծախսվում է ֆիզիկական ուժը և մարմինն ազատվում է ամբողջ բացասական էներգիայից` փոխարինելով այն դրական էմոցիաներով: 2014 թվականից սկսած Սթրիթ Վորքաութի միջազգային ֆեդերացիան սեպտեմբերի 12-ը հայտարարել է ձգումների համաշխարհային օր: Ակցիայի նպատակն է հանրային վայրերում պտտաձողից հասարակ ձգումների կատարման միջոցով ցույց տալ հասարակությանը սպորտով զբաղվելու և առողջ ապրելակերպի առավելությունները և հասանելիությունը: Ձգումների համաշխարհային օրվան միացել են ավելի քան 14000 երիտասարդներ աշխարհի 130-ից ավելի երկրներից: Հայաստանում մեկ օրվա ընթացքում ավելի քան 800 երիտասարդներ հանրապետության տարբեր քաղաքներում միաժամանակ կատարեցին 8000-ից ավել ձգումներ:
ԵՐԵՎԱՆ
Միջոցառումը կազմակերպվել է Սթրիթ Վորքաութի հայաստանյան ֆեդերացիայի կողմից և այսուհետ այն ացնկացվելու է ամեն տարի:
Հայաստանի Սթրիթ Վորքաութի Ֆեդերացիան «Երևան Փրոդաքշնս» ընկերության «Երևան 2.0» ինկուբատորի նախագծերից է: «Երևան 2.0» քաղաքային նախագծերի ինկուբատորը սատարում է Սթրիթ Վորքաութի Ֆեդերացիայի գաղափարներն ու նախաձեռնությունները, քանի որ դրանք որոնք ունակ են փոխելու մեր կյանքի որակը և նպաստում են հայկական աշխարհի դրական փոփոխմանը: