Özel Karagözyan Ermeni İöo, Merkez Mh., 34381 Şişli/Istanbul Province, Turkey
Հայկական Կարագյոզյան գիշերօթիկը գտնվում է Ստամբուլի Շիշլի թաղամասում: Այն կտակել է կառուցել հայ բարերար Տիգրան Կարագյոզյանը: 1896թ. նրա մահից հետո Կարագյոզյան ընտանիքի անդամները ձեռնամուխ եղան կտակի իրագործմանը: Բայց մի շարք ողբերգական մահերը հետաձգեցին դպրոցի շինարարությունը: Այն ավարտվեց միայն 1913թ-ին, ու սեպտեմբերի 7-ին դպրոցը բացեց իր դռները: Գիշերօթիկի շենքը Կարագյոզյանները գնեցին ծագումով ռուս բժիշկ Պլեսկովից, իսկ ճարտարապետներ Սարգիս և Ավետիս Փեկմեզյաններն այն հարմարեցրին դպրոցի:
Մինչև 1994-ը այստեղ սովորում էին միայն տղաները: Բայց նոր տնօրենի գալուստով բացվեց ցերեկային բաժին նաև աղջիկների համար: 2011-ին գիշերօթիկը դարձավ հանրակրթական դպրոց: Այսօր խնամակալների խորհուրդը վարձով է տալիս դպրոցին կից հողատարածքը: Այստեղ կառուցվել է 34 հարկանի բիզնես կենտրոն: Առաջին 16 հարկերը նախատեսված են գրասենյակային տարածքների համար: Մնացած տարածքն էլ զբաղեցնում է «Մարիոթ» հյուրանոցը: