«Vartan» Restaurant Calle de Leganitos, 18, 28013 Madrid, Spain, +34 915 42 52 67
Իսպանիայի մայրաքաղաքի հնագույն հայկական ռեստորանը գտնվում է Մադրիդի գլխավոր փողոցից՝ Գրան Վիայից ոչ հեռու: Ռեստորանը գործում է 1981-ի մայիսի 31-ից: «Վարդանը» սիրիահայերի ընտանեկան ռեստորանն է, այդ պատճառով էլ խոհանոցն այստեղ թեկուզ և ազգային է, բայց մերձավոր արևելքի շունչ ունի: Օրինակ՝ դասական տոլմայի հետ մեկտեղ մենյուում կարելի է գտնել լիբանանյան մութաբալ և շիշ թաուկ: Սակայն ռեստորանի գլխավոր արժանիքն անգամ ոչ թե ուտելիքն է, այլ հենց սենյոր Վարդանը՝ ռեստորանի բարեհամբույր տերը, որը հոգատարությամբ օգնում է ընտրել ճաշատեսակները և դեմ չէ թեթև զրույցի բռնվել այցելուների հետ: