Zagorodnaya str. 3, Yalta, Ukraine, (380 654) 32-30-75
Սուրբ Հռիփսիմե եկեղեցու շենքը կառուցվել է Յալթայում 1900-1917թթ: Ճարտարապետ Գաբրիել Տեր-Միքայելյանն այն կառուցել է ըստ հայտնի հայ նկարիչ Վարդգես Սուրենյանցի գծագրերի: Սուրենյանցն ինքն է նկարազարդել եկեղեցու գմբեթը, որտեղ գտնվում է դրվագազարդ մարմարե պատկերակալը: Շինարարությունը ֆինանսավորել է նավթարդյունաբերող Պողոս Տեր-Ղուկասյանը՝ ի հիշատակ վանքի գերեզմանոցում թաղված իր վաղամեռիկ դստեր: Այս ընտանիքն ասես չար բախտի զոհն էր. Տեր-Ղուկասյանի երկու որդիների կյանքն էլ նույնքան ողբերգական ավարտ ունեցավ: Ավագը մահացավ անհայտ հանգամանքներում, իսկ կրտսերը, թղթախաղում մեծ գումար պարտվելով, ինքնասպանություն գործեց: Յալթայի հայկական եկեղեցին կարելի է տեսնել «Սուրբ Յորգենի տոնը», «Բոռ», «Երեք հաստլիկները», «Թուր ու վահան» ֆիլմերում և «Վարպետն ու Մարգարիտայի» առաջին ռուսական էկրանավորման մեջ:
