5 Krasilnaya str., 0105, Tbilisi, Georgia
Հայ նշանավոր գրող և երաժիշտ, հանրահայտ աշուղ Սայաթ-Նովայի (Հարություն Սայադյան) հուշարձանը Թբիլիսիում բացվել է 2009թ. հունիսի 7-ին: Քանդակագործներ Գիա Չափարիձեի և Կախի Կորիձեի աշխատանքը կանգնեցվել է Սուրբ Գևորգ հայկական եկեղեցու հյուսիսային պատի մոտ: Այդ վայրը պատահական չի ընտրվել, քանի որ 1795-ին, երբ պարսից շահ Աղա Մոհամմեդ Ղաջարը հարձակվել էր Վրաստանի վրա, մյուս քրիստոնյաների հետ միասին թշնամական ջոկատներից հենց այդտեղ էր թաքնվում նաև Սայաթ-Նովան: Այդ եկեղեցու շեմին Սայաթ-Նովան սպանվեց և այդտեղ էլ թաղված է: