11 Հուլիս 2014, 12:55
4882 |

Հին ու բարի ֆիլմերը

Բան չմնաց, շուտով կմեկնարկի «Ոսկե Ծիրան» միջազգային փառատոնը: Imyerevan.com կայքը, լինելով փառատոնի ինֆորմացիոն գործընկերն ու լավ ընկերը, որոշեց հետաքրքիր մրցույթ կազմակերպել իր ընթերցողների համար: Առանձնացրեցինք հայկական դասական ֆիլմերից հայտնի արտահայտություններ: Ով առաջինը գուշակի բոլոր ֆիլմերը, կստանա հրավիրատոմս:

1. Սիրելիս, գյուղխորհրդի մատյաններից մինչև Միջազգային ազգերի միավորված կազմակերպության մատյաններ ցույց են տալիս, որ ...

2. Կրակը՝ մարմանդ, մարմանդ: Աղը պիտի չափավոր լինի: Սոխը՝ բարակ, բարակ, բարակ…

3. Չափահաս մարդ մը, որ այդ տեսակ անհարկադրելի վերաբերմունք ունի ջութակի նման ազնվագույն գործիքի նկատմամբ...

4. էտ մեդալներդ կողմնակի եկամուտներով է՞ս առել…

5. Հանուն մեր կոլխոզի չեմ քշի…

6. 5 հոգով 6 երգ ենք երգում…

7. Մայրիկը հենց այսպես էլ նկարագրում էր քեզ…

8. Քո մարդու պապը չոչ էր անում, որ իմ մարդու պապը էս ծառը տնկեց:

9. Կեղնի՞ մե օրմ օր տեսնիմ էս աշխարհն ինչի՞ է ըսպես ծուռ…

10. Ոչ ոք չի ուզում տանուլ տալ, բոլորը վերցնել են ուզում. բոլորինը ինձ, իմը՝ ինձ, նրանը՝ ինձ, քոնը՝ ինձ: Մազալու են մարդիկ: Բարի գիշեր:

11. Հավը երազի մեջ կորեկ կտեսնա:

12. Խաչիկի անունը չտաս, մեխանիկին կանչի:

13. Էս ինչ ժողովուրդ են. աչքդ թեքիր, գերեզմանիդ տերը չես:

14. Ոչի՛նչ, ոչի՛նչ, դու մենակ քրտնի: Որ մեռնես էլ, վնաս չունի...

15. Այ տղա Մանաս, ինչ ես պարապ կանգնել: Լուսնակը դուս եկավ:

Այս թեմայով