Տվերսկայա փ., 17, Մոսկվա, 125009, (495) 629-70-21
Պուշկինի հրապարակից ոչ հեռու, Մոսկվայի ամենակենտրոնական հատվածում գտնվում է «Արմենիա» խանութը: Հանրախանութի առաջին բացումը 1952-ին էր: Այն պատկանել է Հայկական ԽՍՀՄ-ի Առևտրի նախարարությանը: Սովետական Միության փլուզումից հետո Մոսկվային ունեցած պարտքի դիմաց խանութը փոխանցվեց մայրաքաղաքային կառավարությանը և իր աշխատանքը շարունակեց մինչև 2006-ը, հետո փակվեց վերականգնման աշխատանքների համար: Նորացված «Արմենիան» բացվեց 2010-ի դեկտեմբերին՝ վերականգնված ծեփակերտ նախշերով, 50-ականների խճանկարներով և նոր, ոսկեգույն ցուցանակով: Ներկայումս «Արմենիան» երկու հարկ է զբաղեցնում. խանութ, որտեղ ներկայացված է Մոսկվայում հայկական ապրանքների և մթերքի ամենալայն ընտրանին,ինչպես նաև փոքր սրճարան, որտեղ կարելի է հայկական ավանդական փախլավայով մի բաժակ սուրճ խմել: