Armenian Genocide memorial in Deir ez Zor
Deir ez Zor, Syria
Հայոց Ցեղասպանության զոհերի հիշատակին նվիրված հուշահամալիրի կառուցումն սկսվեց 1989-ի դեկտեմբերին և ավարտվեց մեկ տարի հետո: Սիրիայի այս քաղաքը պատահաբար չէր ընտրվել. երիտթուրքերը Դեյր էզ-Զոր և այն շրջապատող անապատ էին ուղարկում Ցեղասպանության ժամանակ Արևմտյան Հայաստանից և այլ վայրերից վտարված հայերին: Հուշահամալիրը բաղկացած է բարեկամության պատից, խաչքարից, որի առջև այրվում է անմար կրակը, և գլխավոր շինությունից՝ եկեղեցուց, որի ներսում գտնվում է փոքր թանգարանը: Հուշահամալիրի նախագծի հեղինակները Սարգիս Բալմանուկյանն ու Կարպիս Թովմասյանն են:
