4950 West Slauson Avenue, Los Angeles CA, 90056
Այս եկեղեցին Հյուսիսային Ամերիկայի Հայ առաքելական եկեղեցու արևմտյան թեմի տաճարներից մեկն է: Քաղաքի հարավ-արևմտյան մասում գտնվող հողակտորը, որի վրա կառուցված է տաճարը, ձեռք է բերվել 1964-ի հունվարին, իսկ 1965-ին արդեն պատրաստ էր եկեղեցու կենտրոնական մասը, որտեղ ժամանակավորապես ծեսեր էին անցկացվում: 1968-ի մայիսի 19-ին եկեղեցում անցկացված առաջին ժամերգությունը ղեկավարել է Նորին Սրբություն Ծայրագույն Պատրիարք և Ամենայն Հայոց Կաթողիկոս Վազգեն Ա-ն: Եկեղեցին օծվել է 1971-ի մարտին: Այդ ժամանակ էլ լայնացվել է գլխավոր սրահը, որը կրում է Ջոն Գոգյանի անունը, ով ակտիվ մասնակցություն էր ունեցել տաճարի շինարարության գործում: Իսկ մկրտության սենյակը օծվել է մեկ այլ բարերարի` Ռոբերտ Մուրաչանյանի հիշատակով: Եկեղեցին իր վերջնական տեսքը ստացել է 1989-ին: