Հայաստանի Երիտասարդական Հիմնադրամի Վայոց ձորի մարզային կենտրոնի բատիկի դասընթացներին մասնակցող երիտասարդներին վստահված է օլիմպիադային մատակարարել շուրջ 4000 բատիկով ձևավորված շարֆեր և այլ իրեր:
ՀԵՀ Վայոց ձորի մարզային կենտրոնում այս դասընթացին մասնակցում են մարզի սոցիալապես անապահով ընտանիքներից 15 երիտասարդներ:
Նրանց աշխատանքները բատիկի ասպարեզում արդեն գնահատականի են արժանացել Հայաստանի սահմաններից դուրս: Վերջերս Իրանի Իսլամական Հանրապետությունում կազմակերպված հայ-իրանական ցուցահանդեսին ներկայացված են եղել նաև այս կենտրոնի սաների աշխատանքները: