Հասմիկ Պապյանը՝ Երևանում (ֆոտոռեպորտաժ)

Սոնա Անդրեասյան

Հուլիսի 25-ին «Արամ Խաչատրյան» համերգասրահում մենահամերգով ելույթ ունեցավ աշխարհահռչակ օպերային երգչուհի Հասմիկ Պապյանը: Նա վերջին 20 տարիներին հանդես է գալիս հիմնականում արտասահմանում՝ աշխարհի ամենահեղինակավոր օպերային բեմերում: Հայաստանի ֆիլհարմոնիկ նվագախմբի գեղարվեստական ղեկավար ու գլխավոր դիրիժոր Էդվարդ Թոփչյանի նախաձեռնությամբ կայացած համերգին հնչեցին Ջուզեպպե Վերդիի և Ռիխարդ Վագների ստեղծագործությունները՝ նվիրված այդ երկու մեծագույն կոմպոզիտորների հոբելյաններին՝ ծննդյան 200-ամյակներին: