20 Դեկտեմբեր 2013, 16:08
2874 |

Համարյա հայտնիները. թառ Միքայելոց

Միքայել Ոսկանյանը Երևանի ամենաճանաչված թառահարն է: Իր և իր բենդի գլխավոր նպատակը հինավուրց գործիքը երաժշտասերների շրջանում ակտուալ դարձնելն է, թառի հնչողությունը 21-րդ դարի տեմպին ադապտացնելը: Ինչպիսին է երևանյան կյանքը լարերից այն կողմ:

Միքայել Ոսկանյան, 27 տարեկան, երաժիշտ


Թառահարի ֆավորիտը Պատմական հուշարձանների պահպանման կենտրոնն է՝ Երևանի ամենահին շենքերից մեկը: Այն իր բետոնե հիմքերն է գցել մեկ ու կես դար առաջ և եղել է նաև ՀՕԿ-ի գրասենյակը' Հովհաննես Թումանյանի գլխավորությամբ:


«Լարերի տիրակալը» նախընտրում է սնվել տանը, ցանկալի է՝ տատիկի պատրաստածը, հատկապես՝ պասուց տոլման:


Թթի օղին ոչ միայն գրգռում է ախորժակը, այլև ազգային ուտեստների հավատարիմ սեղանակիցն է:


Եթե ոմանք ծառի տակ նստած նկարում են նապաստակ, ապա Միքայելին ցուրտ եղանակը ոգեշնչում է երաժշտություն հորինել


Գյուլբենկյան փողոցի սալաքարերը նրա նրբանների վաղեմի ընկերներն են: Փողոցին հաջողվել է պահպանել հին քաղաքին բնորոշ գողտրիկ հմայքը:


Սեփական այցեքարտերի պաշարը թառահարը լրացնում է հենց այստեղ: Այստեղ են նաև տպագրվում համերգային պաստառները:


Երաժիշտը հավատարիմ է ապահով և անվճար փոխադրամիջոցներին' իր աջին ու իր ձախին:


Փարաջանովյան մոտիվներից են ծնվում թառի ելևէջները: Հին հայկական կենցաղը, հանճար-աշուղի պատկերը' պատին, և ազգային նրբերանգները բնակվում են երաժիշտի ստուդիայում, որն էլ, անշուշտ, նրա սիրելի վայրն է:

Այս թեմայով