Հասարակություն Միջավայր
Համարյա հայտնիները. կոմերիտական, սպորտսմեն և իսկական գեղեցկուհի
Երևանում կան տարբեր աղջիկներ՝ ոմանք հետևում են սեփական ինտելեկտի բարձրացմանը, ոմանք էլ՝ անթերի արտաքինին: Միաժամանակ երկու կետի հետևորդ գրեթե չի լինում: Այնուամենայնիվ, պեղեցինք՝ կոմսոմոլ, սպորտսմեն և իսկական գեղեցկուհի:
Սոֆյա Խաչատրյան՝ «Շարմ Հոլդինգ» ընկերության վեբ և գրաֆիկ դիզայներ, ֆեյշն բլոգեր, 29 տ.
Առավոտյան կրեդոն համեղ նախաճաշն է: Ընդ որում՝ երբեմն այն պատրաստելը կարող է ոչ պակաս հետաքրքիր լինել, քան համտեսելը:
Ցանկացած էսթեթ կարևորում է գույնն ու լույսը, իսկ գուրման' ուտեստի թարմությունն ու հոտը: Թե էսթեթ, թե գուրման դիզայների ընտրությունը բլիթն է՝ թարմ քամած նարնջի հյութով և ընկույզի մուրաբայով:
Փորփրելով մորաքրոջ տան ընտանեկան արխիվը՝ դիզայները հայտնաբերեց այս նորաձևության ամսագիրը: Պատմական մասունքը լույս է տեսել 1962-ին, այն ԱՄՆ-ից իր հետ բերել է ժամանակին Գերմանիա աքսորված, այնտեղից ԱՄՆ փախած ազգականը:
Երբեմն ընդմիջումը չի բավականացնում: Այստեղ փրկության է գալիս ճերմակ և հավատարիմ փոխադրամիջոցը:
Մատենադարանի բակը կարևոր տեղ է. Սոֆան հաճախ է գալիս այստեղ, նստում վերևում ու ոտքերը ներքև կախում. գեղեցիկ տեսարանն ու անդորրն ապահոված են:
Կոսմոպոլիտան կոկտեյլը Սոֆյայի ֆավորիտն է: Երևանյան տարբեր սրճարաններում երեկույթը սկսվում է հենց դրանից:
Ալավերդյան փողոցի հին շենքերի և լուսարձակների հատվածը Երևանում նրա սիրած վայրերից է:
«Շառլ» սրճարանում Սոֆյայի և քաղաքի մեջ ստեղծվում է երկխոսություն. երևանյան հին փողոց, Կասկադ, սալաքար, մտքեր:
Սոֆյային հաճախ կարելի է տեսնել հեծանիվ քշելիս՝ անգամ անձրևին, անգամ շրջազգեստով:
