Գաղտնիքները բացահայտվեցին

«Ոսկե ծիրան» 11-րդ միջազգային կինոփառատոնի ամենամեծ անակնկալը բացահայտվեց: Երևան կժամանի աշխարհահռչակ կորեացի ռեժիսոր Կիմ Կի-Դուկը: «Ոսկե ծիրան» ծրագրերի տնօրեն Միքայել Ստամբոլցյանն այսօր հայտնել է, որ Դուկը կպարգևատրվի «Փարաջանովի թալեր» մրցանակով, իսկ փառատոնի արտամրցույթային ծրագրերի շրջանակում Կիմ Կի-Դուկի ֆիլմերի ռետրոսպեկտիվ ցուցադրություն կլինի: 11-րդ «Ոսկե ծիրանը» կկայանա հուլիսի 13-ից 20-ը: