29 Սեպտեմբեր 2014, 09:18
2000 |

Ճանապարհորդություն ժամանակի մեջ

Եվրոպայի հիպիական շարժումը ներկայացնող ֆրանսիացի գրող Միշել Ուելբեքի «Տարրական մասնիկները» հայտնի գրքի հայերեն թարգմանությունն առիթ դարձավ շատ արվեստագետների ու ճանաչված մարդկանց ստիպելու հանել խորը պահարաններում թաքցրած ֆոտոալբոմները, հիշելու ջահելությունը: Ժամանակն էր հավաքույթ կազմակերպել ու տարիքն առած հիպիներին հիշեցնել խելագար երիտասարդության տարիները:

Սեպտեմբերի 26-ին, ժամը 19:00-ին երևանյան հիպիներն ու այս մշակույթվ սկսնակ հետաքրքրվողները մի մարդու պես հավաքվեցին «Էօն» հակասրճարանում: Միջոցառման կազմակերպիչներն էին imyerevan.com պորտալը, «Անտարես» հրատարակչությունը և ՀՀ-ում Ֆրանսիայի դեսպանատունը:

1970-ականներին Երևանում հայտնի «Երազողները» խմբի անդամներից երկուսը'Զավեն Սարգսյանն ու Երվանդ Երզնկյանը, նաև ջազմեն Գեորգի Մանգասարյանը, վստահ մոտեցան երաժշտական գործիքներին, վերցրին կիթառները, աչքերով ինչ-որ բան հասկացրին իրար ու հյուրերին էլ հասկացրին, որ պետք է լռել. The Beatles լսելու ժամն է: 40 տարի անց խորհրդային Հայաստանի սիրված ու հայտնի խմբերից մեկը թեկուզ ոչ լրիվ կազմով, բայց կազմ պատրաստ սկսեց կատարել լիվերպուլյան քառյակի երգերը:

Միջոցառման ընթացքում բիթնիկ երաժշտությունը ապահովեցին Էդգարը և Հենրիխը:

Էլ ինչ հիպի-փարթի առանց 1960-ականների Երևանում ամենատարածված ու ազատամիտ երիտասարդների սիրած խմիչքի'գինու: Հյուրասիրությունը կազմակերպել էր «Էդվագ» գրուպը'365 wines ապրանքանիշով:

Դե իսկ հատուկ հիպիական երեկույթի համար քաղցրավենքիք էր պատրաստել Louis Charden ֆրանսիական փուռը:

Հիպիական ոճով շնորհանդեսի ժամանակ ներկաները դիտեցին «Երազողները» խմբի մասին խորհրդային տարիներին նկարահանված «Մեկ օր Սևանում» վավերագրական ֆիլմից հատված, ինչպես նաև հիպիական Երևանի կյանքն ու դեմքերին ներկայացնող բացառիկ լուսանկարներից կազմած տեսաշար:

 

Այս թեմայով