Yerevan 2.0 քաղաքային ինկուբատորը և «ЕРЕВАН» ամսագիրը հայտարարում են «Ազատության թևեր» արտ-ինստալացիայի դիզայն-գծագրի մրցույթ:
Արտ ինստալացիան նախատեսվում է տեղադրել երևանյան այգիներից մեկում: Այն իրենից պետք է ներկայացնի վեր հառնված թևերի տեսքով մետաղական, սակայն թեթև կոնստրուկցիա: Կինետիկ շարժի լուծումներով կոնստրուկցիայի գծագրերը ողջունելի կլինեն: Ցանկալի է, որպեսզի արձանը լինի այնպիսին, որ ցանկացած մարդ, կանգնելով թևերի դիմաց, ունենա տպավորություն` ասես այդ թևերն իրենն են:
Դիզայն-գծագրի տեխնիկական պահանջներ`
Նյութը` մետաղական
Բարձրությունը` 3 մետր և ավել
Հիմքը` շարժվող կամ ստատիկ պատվանդան
Ոճը` ԱԶԱՏ
Աշխատանքների ներկայացման ժամկետը` մինչև 01.03.2017
Էսքիզները ցանկացած ֆորմատով ուղարկեք [email protected] էլ. հասցեին`«թեմայի» մեջ նշելով «Ազատության թևեր» արտ-ինստալացիա, իսկ նամակի մեջ` հեղինակի անուն ազգանուն, տարիք, հեռախոսահամար և աշխատանքի կամ ուսման վայր: Լավագույն գաղափարները կհրապարակվեն imyerevan.com կայքում և կներկայացվեն Երևանի քաղաքապետարան`տեղանքի և ինժեներական աշխատանքների վերաբերյալ համաձայնություն ձեռք բերելու նպատակով:
Այս պահին կա երկու տարբերակ, որտեղ մենք փորձել ենք պատկերացնել թե ինչպես կդիտվեր նմանատիպ ինստալացիան: Սակայն, եթե դուք ձեր գծագրի համար տեսնում եք այլ վայր, ապա կարող կարող եք այն գծագրի հետ միասին նույնպես առաջարկել:
Ընտրված գաղափարի հեղինակը կպարգևատրվի 50.000 – 100.000 դր.՝ կախված էսքիզի կատարման բարդությունից, եզակիությունից և նախագծի իրականացման համար պահանջվող բյուջեից:
Մաղթում ենք ձեզ ստեղծագործական հաջողություն և վառ մտքի թռի՛չք։