Մշակույթ Այլ
Comedy Club-ի առաջին ելույթը Երևանում
Երեկ երեկոյան Comedy Club-ի տղաները առաջին անգամ ելույթ ունեցան հայ հանդիսատեսի համար:
«Բարև ձեզ սիրելի հայրենակիցներ», - և Մարտիրոսյանը հայտարարեց շոուի մեկնարկը: Հայերենով ողջյուններ և բազում այլ ջերմ խոսքերը հանդիսատեսը միայն Մարտիրոսյանից չէ որ լսեց. գրեթե բոլորը բեմ էին բարձրանում և հանդիսատեսին պատմում այն ամենը ինչ հասցրել էին 2 օրվա ընթացքում տեսնել և սովորել Հայաստանում:
USB-ի էր այստեղ, այստեղ էին բոլորը` Նիկիտան, Ստասը, Գենան, Տուրբոն և Դյուշա Մետյոլկինը, որոնք ներկայացրին իրենց նոր տեսահոլովակները և կիսվեցին կովկասյան ռեստորան բացելու մտադրություններով:
Խմբի անդամները հայ հանդիսատեսին ներկայացան ինչպես իրենց ամենահայտնի և սիրված, այնպես էլ ամբողջովին նոր համարներով:
Չնայած շատերը տխրեցրել էր Պավել Վոլյայի բացակայությունը, այնուամենայնիվ, դահլիճում հումորի պակաս չէր զգացվում, և հանդիսատեսը մեծ ոգևորությամբ և բուռն ծափահարություններով վայելում էր շոուն:
Շոուի մաս էին կազմում նաև Զուրաբ Մատուայի, Դմիտրիյ Սորոկինի և Անդրեյ Ավերինի երաժշտական համարները, որոնց հետ էր նաև Վարդան Զադոյանը, ինչպես նաև Մարինա Կրավեցի, Անդրեյ Սկոռոխոդի, Դեմիս Կարիբիդիսի հետ համարները, և , իհարկե, Գարիկ Խառլամովի և Տիմուր Բատրուդինովի դուետը:
