Քլաբվելը մեր մեջ անփոխարինելի կրեդո է, շաբաթվա առաջին հինգ օրից հետո ինքնազգացողությանը դրայվ տալու համար:
8-ից սկսել պատրաստվել, 10-ին մտնել փաբ ու սկսել խմել, 11-ին հասնել ալկոհոլային կոնդիցիայի, 12-ին տեղափոխվել քլաբ, ու խմել-պարել-խմել-պարել-խմել՝ հանելով շաբաթվա ընթացքում կուտակված բացասականի բոլոր կաթիլները, 1-ի կողմերն անցնել պրոֆեսիոնալ ոչ ադեկվատ պահվածքին, 3-ոտ հասնել տուն ու մի կերպ քեզ առաքել անկողին:
Թույն առավոտ: Երևան: 2014 թ.: Փողոցից հնչող բալգարկա գործիքի բոլորիս ծանոթ դափսթեփային ռիթմը, որը, ի տարբերություն ակումբայինի, խորը քնած մարդու մոտ պարելու ցանկություն բնավ չի առաջացնում, վերադարձնում է նորացվող, վերակառուցվող ու արթնացող Երևան:
Ընդունենք, որ այն ամենը, ինչը դուք ապրել եք մի քանի տող վերևում, այնուամենայնիվ, հանդիսանում է քլաբինգի ու դրայվի համեմատաբար ավելի առողջ տարբերակ, զարգացած ձևավորված ակումբային կյանք ունեցող մեգապոլիսները դրանով հպարտանալ չեն կարող. այնտեղ ծանր թմրամիջոցները շատ ավելի հասանելի են, քան Երևանում:
Հետաքրքիր է՝ ինչպիսին կլինի Երևանը, երբ այստեղ էլ անցկացվեն raiv-եր, wonderland-եր, burning man-ներ ու kazantip-ներ: